Como restaurar unha Vespa

Método resumido

Como xa me preguntaron máis dunha vez por donde empezar a restauración dunha vespa ou lambretta e canto nos vai costar a broma, aquí deixo o meu humilde método:

Atención: vai fotografiando todo, para saber despois onde e como estaba. (grazas Carlos)

1ª desmontas todo: manillar, dirección, guardabarros, cófanos, guantera... ordenando e anotando meticulosamente os tornillos e pezas en paquetes, indicando o seu lugar na moto. Os cables e as camisas deixalos no chasis para poder sustituilos por outros se fose necesario.

2º Extraes o motor do chasis (ollo, sen abrilo) e lévasllo ó mecánico para que cambie todo o necesario para poñelo a punto. Paga a pena gastar 300€ e deixar o motor en perfecto estado. Cambiar reténs, rodamentos e si é necesario pistón e cilindro. É mellor facer esto ó principio, que volver a desmontar coa moto xa restaurada (por experiencia propia)

3º Traballo sucio: lixar, lixar e volver a lixar toda a chapa da moto para eliminar o óxido. Para aforrar cartos temos que facer todo o traballo que os chapistas non queren, xa que é máis rentable pintar 4 defensas de coche nunha hora, que poñerse a lixar unha puñetera vespa. É importante que protexas as pezas que vaias lixando: vai pasar moito tempo desde que lixas unha aleta, por exemplo, ata que vas ó chapista. Tes que botar aceite WD-40 (parecido ó 3en1) para que non oxide mentras segues lixando outras pezas.