Vespa 150 de 1956 entre o lixo.
Desde que era pequeno, paso cada día por diante dun garaxe vello en ruinas.
Cando ía ó instituto en bus, pasaba por diante dese garaxe. Cando ía e viña do conservatorio na miña Derby Variant, pasaba por diante dese garaxe. Cada vez que vou tocar coa banda de música, paso por diante dese garaxe. Cada vez que vou ó traballo... si, xusto; paso por diante dese garaxe.
Fai un par de meses, un coche chocou contra a parede dunha vivenda, tamén vella, que hai xusto ó lado (está pegada á N-640).
Os donos, ó ver o estado no que quedou a casa despois do golpe, decidiron derribala por medo a futuros accidentes utilizando unha excavadora.
A excavadora ó seu paso retirou moita maleza e deixou ó descuberto o interior do garaxe en ruinas... pois ben; este sábado, cando volvía do traballo co sono nas olleiras, os meus ollos fixáronse nesas ruinas e localizou esta marabilla entre o lixo.
Trátase dunha Vespa 15O de 1956 que leva polo menos 4 décadas esperando a que o paso do tempo e a humidade fagan ben o seu traballo.
Está completamente destrozada.
Fixádevos na foto: o manillar apunta a Vigo e o cu a Lestedo.
Non sirve para nada. É unha lástima. Un veciño dixo algo así como que "cando eu vin para esta casa alá nos anos '60, xa decían os vellos que era unha moto moi antighua"
O único que se pode aprobeitar é o manillar e a chapa que pon MotoVespa-Madrid
Aínda que... esa, xa é da miña propiedade.
correcaminos dijo
¡Que pena da ver esas imágenes!. Después de haber visto la magnífica Miss Xaneiro, ver ahora una Vespa de la misma época sabiendo que si hubiese sido cuidada, podría perfectamente ser Miss Febreiro, pues da una enorme pena; especialmente a todos los que cómo tu y los que te leémos, tenemos un especial cariño por estos artilugios.
17 Enero 2007 | 09:59 AM