Vespas na rúa
Supoño que tamén vos pasará o mesmo, pero dende que teño unha non fago máis que ver vespas polas rúas. As fotos saqueinas co móbil e ó pasalas polo ordenador foron perdendo calidade, pero ei vai:
A primeira é unha T3 Primavera. Atopeina en Santiago de Compostela diante dunha panadería e non puiden resistirme. É das que teñen a roda de reposto pola parte interior do escudo. Interesante.
Esta outra apareceu en Vilagarcía de Arousa, o pasado sábado. Estaba aparcada no peirao e chamaba a atención dos paseantes. Ten o asento partido estaba en perfecto estado de conservación. Daba ganas de poñela en marcha e dar unha voltiña.
Esta última, véxoa amiudo en Pontevedra. É unha 150 GS que sempre está aparcada ó ladiño do Pazo da Cultura (cerca da universidade) Está ben conservada, anque eu sacarialle unha pegatina enorme que ten na dianteira na que se pode ler EUROPOLI 06.
Saúde!
aabalo dijo
Certo certo!! A min pásame igual!! :-)
Por certo, a do asiento partido "parece" unha 125N. Eu teño (ejem, meu pai) a L e a diferencia é o asiento corrido, que na L era biplaza mentres que na N era así. Non lembro, había algunha diferencia máis pero non me acordo...
Por outra banda o piloto traseiro axuda a distinguilas (as superiores -150- levaban un de tipo "pico de loro")... só lle vexo algo que non me casa, no centro leva unha alfombriña... es eses modelos no centro levan dúas canaletas... pero vamos, polo demáis o deseño é coma a miña (ejem, de meu pai).
Saúdos!
16 Noviembre 2006 | 10:49 AM